| 歐小B出世喇 期待已久的一天終於來臨..
4/5/2008(sunday) @0430 半夜覺得肚仔痛,想肚瀉那種感覺,於是起牀去廁所但去唔到...再上牀訓無耐又痛過,決定再起身試下計時,心想是否陣痛呢?但似係又唔係..又無見紅穿水 @0700沖涼洗頭先 @0800每十分鐘就痛一次,痛得厲害咗 ,同老公商量下決定去醫院 @0850飛的士到達醫院/B4, 經醫生檢查後,發現子宮頸開始軟化,但未開度數,轉去A2病房等 侯 @0930 to @1400在A2病房聽胎心機,檢查又檢查,我好無奈地去迎接每一刻嘅痛楚,周圍嘅孕婦都好輕鬆地去等,得我似最辛苦嗰位,無論企,坐,食都唔得...救命!! @1430姑娘再檢查,發現子宮終於開咗一度,可以上產房,但我心想一度都上產房?未有排等... @1530又去番B4產房,幾個姑娘set好D儀器,工具等..又教我點用笑氣.. 我要求無痛分娩,但姑娘又話"今日好多手術做,麻醉師黎唔到喇" "不如你打止痛針啦" 唯有默默承受..打咗支針..可借仍然痛不欲生 @1800子宮已開到七度喇..心想"得未呀?" @2000姑娘叫我試生,一痛就用力痾 @2030失敗咗幾次後,終於運盡一生嘅力氣在@2039痾咗阿B出來 老公跟住來產房探我,跟住送去私家病房休息喇... |
,特別一班好好嘅同事,在我懷孕期間照顧我及體諒我,好多嘅關心及慰問令我好温暖..等到七月我就重回工作崗位喇
..到時再見啦